هنا بقى ان شاء الله

هبدا اكتب كل الاصحاب اللى عرفته

وهبدا من اول الابتدائى ..لحد الجاااااااااااااااااااامعه ..حبايب قلبى اصحابى بتوع الجامعه

او صديقه ليا بقى اسماه نسمت ..بالتاء المفتوحه …..وكنا بنقول لها عُلا

انا وهيه فضلنا من اول سنه اولى مستمعه لحد اولى ثانوى جمب بعض ف التخته

اللى تعرفها هيه رضوى لانها قابلتها معايا

بجد علا ديه انسانه مش قابلت زيها لحد الوقتى

كانت دايما تقولى يا بيضه

وانا اقول لها يا قشطه

هبقى اقول لكم على السبب المره الجايه بقى

 

————————————————————–

 

اكمل لكم بقى

علا ديه انسانه بشوشه جدا ومرحه جدا جدا جدا

بجد والله مش قابلت حد زيها

طول الوقت تضحك وتهزر وانسانه لذيذه خالص

كنا واحنا ف حصه الالعاب

كانت تعمل المذيع ..وايوه الكره مع محمد ..محمد شاط الكره لمصطفى ومصطفى اعطاه لياسر

واوبا …جوووووووووووووووووووووووووووووووووون

واحنا نضحك ضحك

هيه بقى كانت بتقول لى يا بيضه ليه بقى

او ساعات بتقول لى يا فرخه

اصل انا بموت ف حاجه اسمها بيض

كنت كل يوم بجيب سندوتشات بيض

وهيه كانتبتجيب سندوتشات قشطه

ياااااااااااااااااه كانت ايام حلوه

كنا لسه عيال بقى

عارفين دلوقتى لما بقابلها بقى

نفضل نتكلم عن ايامنا مع بعض زمان

ديه كانت اول صديقه ليا  عرفتها ف حياتى

 ومازالت انسانه عزيزه الى قلبى

=======

نكمل بقى بكره

سلام

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بكره اخيرا جيه

ياااااااااه دا بكره جيه بسرعه اوى

انا اتكلمت عن علا فوق

ديه كانت اكتر واحده يعنى

دا غير بقى بقيه العيال

طبيعى مكنتشى علا بس اللى معايا

بس بقى دخلنا ع الاعدادى

لا استنو واا ف الابتدائى اخر سنه كده

عرفت شويه بنات من المرسه اللى كانت بعدنا

احنا كنا فترتين

ندى وولاء وهند وشيماء ورشا وعبير واميره واميره

وياسمين ومياده

العيال دول بقى اصحاب بجد

معرفتى زادت بيهم ف الاعداى

وكنا

انا وهند وندى وياسمسن وولاء ونسمت

مع بعض ف الفصل

كنا دايما بنحب نقعد ورا ف التخته الاخيره واللى قبل الاخيره

اللى ف الجمب كمان مش ف النص

عشنا مع بعض فتره الاعداى ديه

وكان اجمل انسان ف  الفتره ديه

انسان عزيز لقلبى اوى كنت باخد عنده درس معاهم

كنا عيال اشقيه اوى

هههههه كانت عيونه ملونه وزى العسل

المشكله بقى انه ابن خالتى ..ومكنتش اعرف ان عيونه بتقلب

ليها لونين يعنى

وما شاء الله

ربنا يرحمه

كنت بحبه اوى

كان دا اخويا الكبير واللى مش ولدته امى

هوه انا لو فضلت اتكلم كده مش هخلص بصراحه

موضوع هيفتح موضوع

وواحده هتجيب واحده

ايه دا كفايه كده بقى

بصو بكره

واخدين بالكم انتو بكره بكره يعنى

هبقى ادخل ع الثانوى بقى

سلام بقى