Habhoba_FCI

 

 

فى البداية سمسمة هى اللى عملت الموضوع فى بلوجها

 

 

وبعدها دبست هاجر وبعدين هاجر دبست كات كات وبعدين كات كات دبست ياسمين
وبعدين ياسمين دبستنت هند وبعدين هند دبست سمسمه وبعدين سمسمه دبستنى
لن انسى لكى هذه التدبيسه يا سمسمه وليكن ما يكون
وبعدين انا اتأخرت كاتير اوى وذلك لظروف بيلوجيه …وكان فيه ناس كتيره فرحانين فيا ..ماشى كاشى ماشى

 

الموضوع بإختصار زي ما شفته في بلوجات ومدونات كتيــــــــر
عباره عن اعتراف عن 6 أسرار في حياة كل شخص محدش يعرفه غيره
وبعد كده الشخص الي اعترف ده بيختار 6 أشخاص يعترفوا بعده بس كل واحد في بلوجه
انا غيرت الفكره خالص
انا عايزة أعترف مثلا ب 6 اعترافات وهكتب اسم حد واحد بس يعترف بعدي في البلوج بتاعه
ولما يعترف هو كمان يختار حد واحد بس … وهكذا دوالي

 

بصراحه مش عارفه اكتب ايه ولا اعمل ايه ف التدبيسه ديه

 

ابدأ بقى اعترافتى

 

بسم الله الرحمن الرحيم

 

1- العصبيه

 

انا فعلا عصبيه جداااااااا وف نفس ذات الوقت انا بروق بسرعه جداااااااا جداااااااااااااا

 

انا غريبه ف الموضوع دا لانى بجد نصحونى كتير بسبب عصبيتى ديه ويارب اقدر اتحكم شويه ف اعصابى

**************

 

2- بترعب من حاجه اسمها صراصير

 

بجد انا عندى فوبيا صراصير انا بس لو اعرف او انى اشم خبر ان المكان دا فيه صورصار ..والله ما اقعد فيه لو ثانيه واحده

 

واتعمل فيه مقالب ف الموضوع دا كتيره

******

 

3-انا اللى ف قلبى ع لسانى

 

مبعرفشى ازيف كلامى او ازوقه …يعنى من الاخر مش بعرف اجامل حد

**********

 

4-دموعى قريبه

 

انا بجد اى حاجه ممكن تأثر فيا وتلاقيكى بعيط ع طوووووووووول ولما بجى مثلا اشكى من حد عمل فيا حاجه

 

اروح معيطه بجد مش بقدر امسك دموعى

**********

 

5- انا السنه اللى مرت عليا بتاعت سنه تانيه ديه من اول يوم فيها لحد النهرده

 

اتعلمت كتيير اوى من الحياه وعرفت حاجات ومريت بمواقف كتيره اتعملت منها كتيره واخدت عظه من الناس اللى حواليا

****************

 

6 اخر اعتراف بقى ….

 

ان فيه ناس كتيره متعرفشى ماما …واللى بيشوفيها بيتصدمو زيى ناس كده لما شوفيها

 

ان انا مامتى احلى منى كتييير ما شاء الله …امسكو الخشب بقى …وان انا مفيش شبه من مامتى خالص

 

بس انا قولت لكم اهو عشان اللى يشوفيه ما يعملشى زيى البت بسمه

 

اخ انا نسييييييييت وروحجت عطيت الموضوع نسيت اثول مين اللى هدبسها

 

اشتركت معايا ف اختيار الشخصيه …

 

 

.مش هقول لكم مين بس هيه هتعرف نفسها

 

المهم انا هدبس

 

هدبس

 

هدبس

 

هدبس

 

هدبس

 

هدبس

 

هدبس

 

روووووودى

 

يا بقى يا بت يا رضوى

 

كل تدبيسه وانتى طيبه

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ياااااااااااااااااااااااه بلوجى وحشنى اوى

من شهر او اكتر مش دخلت عليه ومش كتبت

طبعا انا مش هتكلم كتير عن الاجازه اللى مرت عليا من اول يوم لحد النهرده

بجد كانت اسؤا اجازه مرت عليا طول عمرى

عيشت اسوأ ايام مرت عليا …كل دا جيه عليا بتعب ليا انا

وعنيا كانت ورمت خالص وحالتى النفسيه كانت ف النازل

لحد لما جيت السفريه اللى كانت بالاكراه ..بس كانت السبب ف تغيير حاجات كتيره اوى ..الحمد لله

كان اول يوم افرح فيه يوم ما النتيجه جيت لى

بصراحه مكنتشى ع بالى خالص انها تظهر …..

ومش اتوقعت انها تجى لى كمان وانا مش هنا وكمان تجى لى اول ناس من الكنترول

الحمد لله النتيجه فرحتنى اوى اوى اوى

واكتر حاجه كمان فرحتنى هيه نتيجه اختى

ثانويه عامه — وما ادراكم ما الثانويه العامه

الحمد لله هيه جابت 94

كلنا كان نفسنا اكتر من كده وكنا حاطين امل فيها اكبر من كده ….بس والله بعد امتحان التفاضل

اللى حصل لها وانها تروح لدكاتره واعصابها تتعب ..ربنا ينتقم منهم بقى اللى كانو السبب

ان شاء الله السنه الجايه تعوضها وتزيد بإذن الله

بس اللذيذ ف الموضوع ان النتيجه تبان ف يوم ما كناش متوقعين انها هتظهر فيه

ولا كنا عارفين ان الاوائل ظهرو خالص

وكنا بره وكأن مفيش عندنا حد ف ثانويه عامه خالص

وتكون الصدمه الكبرى التليفون يرن واحنا لسه داخلين من بره

وتطلع بنت خالتى بتقول لنا النتيجه ..

واجمل حاجه بقى ف الموضوع انى جيت افتح الكمبيوتر وقلت هنشغل النت من ع التليفون

الكمبيوتر ما ينطقشى خالص …جاتله سكته قلبيه ..والباور اتحرق من نفسه كده

طبعا اتصل ببابا ولقيته بيقولى انه لسه جايبها

طبعا واحنا كنا نايمين ف العسل ..وكان زعلان ع النتيجه

صراحه لما عرفنا النتايج الناس اللى حوالينا …قولنا الحمد لله اللى احنا فيه

بصراحه مجاميع كلها ف التمانين والسبعين

وناس كتيره شايلين فيزيا ومجاميع بتاعت سنه تانيه كلها وحشه

طبعا ف اليوم دا مش نمنا وكلمت رضوى والحمد لله اطمنت ع اختها

طبعا انا كنت هناك ومش حاسه باللى هنا

اتارى ماما وهبهوبه قاعدين سهرنين طول الليل وتليفونات بقى

بجد كتر خيرك يا كتكوته ..ربنا يخليكى ليا بجد

ماما بعدها اتبسطت اوى من اصحابى وكمان بابا مبسوط اوى منك انتى ووسام اوى اوى

مش بس كده دا اصحابى انا اتصلو الفجر هنا ف البيت عشان يطمنو ع اختى …

والله انا فرحانه باصحابى اوى ..وفخوره انى من مواليد 89 ..احسن دفعه

انا اتكلمت كتير اوى …..بس الحمد لله انى اتكلمت ف حجاجات حلوه ويارب ايامنا اللى جايه تبقى حلوه

والايام الوحشه اللى مرت علينا يارب انسااااااااااااها

ويارب الايام اللى جايه تكون فاتحه وحلوه كده بدل اللون الغامق

ع الرغم من انى بحب الغوامق بس الفاتح مفيش احسن منه