الناس عطور May 22, 2008
Posted by habhoba in Uncategorized.10 comments
السلامو عليكم
بم ان النهرده كان اجازه عندى وتقريبا عند بعض اصحابى
فكنت قاعده بدور عندى ف البلوج ولقيت الموضوع دا
كان موجود عندى من زمان
**
**
يقال إنما الناس عطور
كلما شاهدت زجاجة عطر رأيت فيها إنسانا لأن البشر يشبهون تماما أنواع العطور
وأرخص أنواع العطور أكثرها إثارة
وهذا العطر يشبه البعض من الناس
أحيانا يصادفك شخصا ما..تبهرك كلماته وتثيرك أراؤه
وتحلق معه في آفاق واسعة من الخيال وسرعان ماتكتشف أن ماسمعت وما رأيت ليس أكثر من صور
محفوظة يرددها صاحبها ولو حاولت أن تجادله أو تقاطعه أو تستفسر عن شيء مما يقول :
اكتشفت حجم زيفه وادعاؤه
وكما في العطور أنواعا مزيفة مثل الناس تماما
تجد أيضا أنواعا نادرة أصيلة يبقى تأثيرها في أعماق الإنسان
فأنواع العطور يعيد لك صور الماضي ويجسدها في عينيك ويتحول العطر إلى إنسان
وترى في الإنسان عمراً وترى في العمر نبض الحياة وجمال الكون وصفاء الزمن
والعطور النادرة أصدقائي أقوى من الزمن لأنها تبقى وكذلك البشر فالإنسان الصادق المخلص الأمين
يظل أكبر من إغراءات الزيف والدجل الرخيص .
ولهذا يبقى رافعاً قامته في كل شيء
في فكره وسلوكه ومواقفه
أحيانا تتذكر إنسانا عزيزا إذا تدفقت حولك رياح عطره
وبعض الناس لايغير أنواع عطره أبداً لأنها تحولت مع الأيام إلى جزء من شخصيته
وهناك أيضا من يستخدم العطر كما يستخدم أي شيء
فترى معه كل يوم نوعا جديدا
وشخصية الإنسان تظهر في أنواع عطره
بعض الناس يحتفظ لنفسه بزجاجة عطر من نوع واحد إنه يحب الخصوصية في كل شيء
ولا يرى نفسه إلا وجها واحداً
ولهذا يرفض أن يزيف نفسه تحت أي إغراء
وهؤلاء الأنقياء لايحبون ضجيج الأشياء إنه يكتفي بمشاعره الصادقة ولو كانت بسيطة .
/
\
/
\
/
فما هى زجاجة عطرك ..؟
يارب يعجبكم البوست
واللى يحب يرد ياريت يقول رائه ومش عايزه حد يدخل ويتغالس
طبعا فاهمانى يا ميمى 
(Sponsor Link: OfferForge | kalahari.net | bidorbuy )
كم مره حلمت واتحقق حلمك ؟ May 17, 2008
Posted by habhoba in Uncategorized.12 comments
معرفشى ليه انا بكتب البوست دا ع الرغم من ان بكره امتحان الكومينكيشن
بس وانا بزاكر كنت بزاكر ف كراسه لقيت مكتوب فيها
كلمات رجعتنى بالذاكره لورا
فكرتنى بحاجات كنت بحلم بيها ف الوقت اللى كتبت فيه الكلمات ديه
سبت الكومنينكيش وبصيت للسقف …ياااااااااااه حسيت انى سافرت
بس مبصتش على السقف وسرحانة علشان فى حالة حب لا سمح الله
وبستمد من السقف العون زى افلام زمان
لا بصيت عشان اعد كام مره عرفت ناس وسبتهم
كام مره عرفت حد وحبيته ودلوقتى معرفشى حتى هوه عامل ايه ؟
كام مره كان ليا زمايل واصحاب وسيبنا بعض ..مش عشان هما وحشيين
لا سيبنا بعض وفرقنا الزمان وفرقتنا الدنيا والكليات
حسيت انى انشيديت اوى وفكرت
كام حاجه فهمتها وصدمتنى ؟ وقلت يا رتنى ما كنت فهمتها
كام حاجه عرفتها ..بس كانت معرفتها متأخره اوى
فضلت سرحانه وفكرت ف وقت ضيعته ومحستشى بيه بندم ندم عمرى ع الوقت دا ؟
كام فرصه ضيعتها من ايديا ومش عارفه اعوضها ؟
سرحت اكتر واكتر ورجعت بالذاكره لورا اوى اوى
ايام ابتدائى وما اجملها من ايام …. مريت بشريط سينمائى للابتدائى والاعداى ادم عنيا
واد ايه كان حلمى الصغير انى ابقى دكتوره صيدليانيه
وازى الحلم دا انا بذات نفسى اغيره لما اعرف مجموعى ف 2 ثانوى
غيرته وخليت حلمى بدل صيدليه يبقى حاسبات ومش اى حاسبات حاسبات عين شمس كمان
رجعت تانى فكرت ف حياتى كمجمل
فى اية اندم علية ؟؟ وفى اية مندمش عليه
طيب لو ندمت اندم لية ؟؟
ولو ما مش ندمت ابقى مش بحس ولا ايه ؟
ولو فكرت ابقى بتعب نفسى
ولو مفكرتش ابقى سلبيه وبضيع نفسى
طب انا عايزه ايه ؟
حلمت كتير وبحاجات اكتر واكتر
ف النهايه
قمت عاشن احاول انام ..برده معرفشى كنت عايزه انام عشان اهرب من الحلم
ولا روحت انام عشان اكمل مسلسل احلامى
المسلسل اللى انا فيه البطله وبرده انا المخرجه فيه
بهيىء كل حاجه ع مزاج البطله
كل حاجه بتبقى متاحه ومتوفره
وكأن الخيال مسخر ليها
بس معرفتش انام
قومت قعدت ع الجهاز وقلت اسجل اللحظه ديه
مش عشان انا مش عايزه انساها
لاء لانها مجرد صفحه من صفحات حياتى اللى بحلم فيها
(Sponsor Link: OfferForge | kalahari.net | bidorbuy )