اجمل احساس ف الكون April 8, 2008
Posted by habhoba in Uncategorized.4 comments
اجمل احساس ف الكون ….. انك تعشق بجنون
ودا حالى معاك …. خالتنى اعيش ايام
مليانه بشوق وحنان
مليانه بدفء وعطاء
امى يا رمز العطاء ….. يا احلى هديه من رب السماء
تعبتى كتير اوى ……. وبرده لسه بتتعبى
امى نداء محبه ….. بل ان كل الحب ام
امى عطاء زاخر ف فيضه بحر الخضم
ضحت لاجلى بالهنا ….. وتحملت عنى الالم
جادت بزهره عمرها …… من غير ضيق او سأم
اماه يرعاكى الذى خلق البريه من عدم
بحبك يا امى
بحبك يا امى
وبصراحه اكتشفت حبى ليكى دا اول مره يوم ما تعبتى من 3 سنين
مكنتش اعرف انى بحبك اوى كده
بس فعلا ديه الحقيقه
ع الرغم انى بزعلك منى
بس والله مش تزعلى منى
انا اسفه يا امى …يا اغلى ماما ف الدنيا
بجد بجد انا بحبك اوى اوى
فيااااااارب افوز برضاكى عنى
ونفسى ابقى زيك ف حاجات كتيره
امى يا احلى شمعه ف حياتى
امى انتى احب انسان عندى
ست الحبايب يا حبيبه
يا اغلى من روحى ودمى
انا الحمد لله حققت لكى حاجات كنتى بتتمنيها
منها انى ادخل كليه تتشرفى انتى بيها
والحمد لله
اهو انا الكليه اللى انتى متعرفيش اد ايه احنا بتعذب فيها
والكشك بقى ونظام
بس بجد بفرح اوى لما بلاقيكى بتقولى
بنتى هبه ف كليه حاسبات
بجد بفرح اوى لانى حاسه اد ايه انتى تعبتى معايا
وبرده لسه بتتعبى
بصراحه لو خلصت حبوووووووووووور الدنيا كلها عشان اوفى حقك معايا مش هتكفى
انى اكتب تعب واحد بس انتى تعبيته عشانى
مش عارفه هوه الموضوع مش له مناسبه معينه عشان اكتبه
ربنا يخليكى ليا يا امى
وميحرمنيش منك
ولا يحرمك منى ابداااااااااا ……وياااااااارب ترتاحى ياااااارب
ويهدي لكى محمد ياااااارب
ربنا يهديه
وف النهايه
اللهم احفظ امى ومتعنى برضاها
امييييين يار ب العالمين
(Sponsor Link: OfferForge | kalahari.net | bidorbuy )
الـنـاجـح يـرفـع ايـــده April 3, 2008
Posted by habhoba in Uncategorized.7 comments
ع الرغم من مودى مش اللى هوه
بس صعبان عليا نفسى اوى اوى
انا بس مجرد انى شوفت النتيجه ادامى ع الجهاز
فضلت اعيط …وبجد كنت مخنوقه اوى
حاولت اشغل نفسى باى حاجه
البت وسام شكلها قلبتنى بقى
ع الرغم انى مش ليا نفس والله اعمل حاجه
بس يالا
قولت اما اطلع حاجه كده
عشان الارف دا يروح شويه
النهرده بقى النتيجه ظهرت
ونجحت بجد مش مصدقه
ع اد ما انا فرحانه ع اد ما وايا حزن عميق
معرفشى ليه ؟
يالا مش مهم المهم تعالوا كده
رجع بالذاكرة امتي اخر مرة سمعت الاغنية دي؟
وحياة قلبي و افراحه
وهناه في مساه و صباحه
ما لقيت فرحان في الدنيا
زي الفرحان بنجاحه
طب فاكرين اول مرة؟
شهادة الابتدائية ..و انتو لسة صغيرين.. و الاهل فرحانين
و تورتة و جاتوة .. و هدية حلوة… و بوس كتير… و الناس بترقص
و تصقف…و انت العمدة بتاعت الليلة دي.. و مبسوط
الاعدادية………نفس السيناريو
وبتبتدي ترسم طريقك
وتحدد خطواتك
و طموحاتك بتطير بيك
كان حلم جميل في خيالنا
ولا غبتش في يوم عن بالنا
و بني لنا قصور
وفرشها زهور
في حياتنا و مستقبلنا
الثانوية العامة…ااااااااه من الثانوية العامة.. الدنيا كلها متعاطفة معاك
و كل طلباتك مجابة…عشان الباشا يبقي مستريح و
يفرحنا…هنا بقي الاغنية دي ليها طعم تاني.جميييييييييييل…و انت
بتشوف دمعة ماما.. و تسمع دعاء من القلب
ولقتني في عز هنايا
والدنيا فرح ويايا
بتهني حبايبي معايا
وتقول للكل ارتاحوا
جواب التنسيق
(كان اول جواب استلموا في حياتي و الاخير
واهلا بك في عالم الجامعات
انتو دلوقتي عديتو كل مراحل التعليم التقليدية المفروضة علينا
و اخترنا المجال اللي عايزين ندرسه-
عارفة ان فيه ناس هتقولي ان مش الكل بيختار كليته
و التنسيق و المجاميع, لكن ارادة الواحد انه يحول
مصيره و ينجح في المجال الجديد بدل
من اليأس انه اترمي في كليته ماكنتش ع البال و لا ع الخاطر…
ليها طعم نجاح خاص..محدش عارف الخير فين
..المهم ان احنا نتقي الله و نشتغل بجد..مش نستسلم لتنسيق ولا مجموع
قدرنا بقى حاسبات
ع فكره اانا داخلاها برغبتى
لو كنت اعرف المرمطه ديه؟
مالهم بتوع هندسه
قدر الله وما شاء فعل
ده مافيش فرحان في الدنيا
زي الفرحان بنجاحه
الكلية.. كنت بتحلم بيها…….اثبت نفسك بقي
حقق حلمك
وافتح الباب
و شوف الخضار و الزرع و الورد
مزروعة مع الاحلام و الطموح و النجاح
فاهمين قصدى طبعا
دا كفايه الجمال بتاع الكشك بتاعنا
الناجح يرفع ايده
نهني في عيدنا و عيده
بتسمع عبد الحليم
و تسمع دعاء الست الوالدة
و تبكي فرح لما تبوس ايد والدك
و تحس ان قرف المذاكرة
والجدول
نزل يا عينى يا حرام ع طول مش حتى لحقنا نفرح
والامتحانات
و ترقب الملعونة النتيجة
ع طول بيعذبونا عشانها
و تيجي تستريح في الاخر
لما تسمع النتيجة
و تلاقي دمعة فرح بتتدحرج علي خدك
تداعبك
وتدعي للتخرج
و هتتخرج
وهتكمل نجاح ورا نجاح
هتدوق طعم الفشل؟
اكيد
عشان تقدّر النجاح
وتصر عليه
ونقول و نقول
دايما
شغل اغنية عبد الحليم
وارقص عليها
ناجحين علي طول
دايما
وحتفتكر الذكريات دي مع ولادك
مع طعم خاص للنجاح
نفسى اجيبهم الكليه بقى
ويقعدو يلعبو ف اوضه المعيدين
مع طنطهم وسام
ونجاحنا يطول
دايما
دايما علي طول
المهم ان تشتغل بعد ما تتخرج من البتاعه اللى عند الكشك
!
ده ما فيش فرحان في الدنيا زي الفرحان بنجاحه
والله الفرح حلو
بس ادعو لى اخرج من دور الكآبه اللى انا فيه دا
________
(Sponsor Link: OfferForge | kalahari.net | bidorbuy )