Habhoba_FCI

Comments»

1. hend - April 29, 2008

[size=18]
عاااااااااااااااااااادى يا هبه
بتحصل بتحصل
بجد انا النهارده كنت مخنوقه اوى اوى وزعلانه جدا جدا
لان الواحد كان خلاص مهيئ نفسه للامتحان وفضلنا واقفين ساعه بره لحد ما رجلى خلاص باظت وبعدها قعدنا شوية جوا
وبعد كل ده
بكل بساطه
مفيش امتحان النهارده
هو لعب عيال يعنى ولا ايه
يعنى ايه اللى منعها من انها تيجي تمتحنا
ده حتى عيب عليها وشكلها وحش لما تكون دكتورة وترجع فى كلمتها كده بكل بساطه
واحنا كمان لما روحنا الكلية شوفناها هناك
يعنى كانت موجوده
معناه ده ايه يعنى

بس ف الاخر والله برجع وبنسى كل ده
وكأن شيئا لم يكن
وبرجع اقول برضه كله يهون عشان خاطر حاسبات حبيبتى اللى بحبها جدا جدا من اعماق اعماق قلبى
واللى بيحب حد بيضحى عشانه
( عشان انا كده انا بضحى من اجل حبي الاول “حاسبااااااااات” )

هنعمل ايه يعنى يا جماعه هو ده قدرنا وهو ده نصيبنا
بس انا عن نفسى عادى مش فارقه

يللا كفايه عليكي كده بق
سلااااااااااام

[/size]

2. baby - April 30, 2008

بصى ياهبة بجد انتى كتبتى البوست ده ف وقتتتت …ربنا اعلم انا دلوقتى قاعدة عاملة ازاى وحالتى ازاى .. يعنى انتى جيتى ع الجرح زى مابيقولوا
انا دلوقتى لو اطول انفجر او اموت حد او اعمل اى حاجة فى نفسى كنت عملتها
هتقولى البت اتهبلت ولا ايه ؟
انا فعلا اتهبلت من اللى شفته وبشوفه
وسيبك م الكلية كمان … انا بشوف حاجاااااااااات وتصرفاااااااااات من ناس بجد مكنتش اتوقع الكلام ده يصدر منهمممممم
انتى متتخيليش أد ايه انا دلوقتى حزينة مكتئبة مش عايزة اشوف حد ولا اسمع صوت حد مخنوووووقة بدرجة محدش هيحس بيا لو قعدت اوصف من هنا لبكرة .. ومحدش هيصدقنى والله بس ربنا اعلم باللى فيا

وزهقت النهارده من كتر العياط لما عينى احمرت وورمت ومعنتش قادرة اشوف قدامى … خلاص تعبت وقرفت بجد من كل حاجة حواليااا معدش فى اى حاجة تفررررررررح وبدعى على نفسى كل شوية

ولو جينا بصينا للكلية … مرمطة وبهدلة ومن هنا على هنا وامتحانت ومذاكرة وف الاخر منمتحنش وحاجة زى الزفت
وانا مش بذم ف الكلية بتاعتنا لنى بحبها جدااا ككلية ومستقبل والدليل انى كاتبها رغبة اولى … ماعلينا م الكلام ده
المهم ان كل حاجة بجد بقت تخنققققققق
والواحد معدش عارف يتلم على اعصابه والله من كتر اللى انا فيه

انا كل ما اقوم وروحى المعنوية تترفع … آجى الاقى نفسى ف الأرض ومن أقل حااااااجة والله
وحسبى الله ونعم الوكيل فى كل ظالم ف البلد دى

يلا معلش ياريت لو حد قرأ الرد بتاعى ميدعيش عليا .. يدعى لى بس
ومعلش طولت بغباء انا عارفة بس يمكن ارتاح ولا حاجة

وشكرا ياهبة ع الموضوع اللى قلب الجديد والقديم ده
سلااااام

3. MeMe - April 30, 2008

ااااااااااااااااااه …ياهبــــــــــــــــــة …
النهاردة بجد كان يوم صعب عليا جدا … وغريب بكل المقاييس..
انااصلا مكنتش فتحت السكول غير وانا جاية فى المواصلات … عشان خاطر امتحان الزفت الاو ار …..
وتخيلى بقى انتى لسة داخلة الكلية ..يقولك امتحان السكول ابتدا …(يالهوى طيب استنوا اما اقرأ اى حاجة)
وطبعا ولايهندك … انه مااشتغلناش سكول خااااااالص فى السكاشن .. وبرضه مايهمش انك بقالك شهر بتسطبيه عندك .. ومش اتسطب .فكان النهاردة فى الامتحان اول لقاء بينك وبينه …وبرضه مايهمش الزهايمر وسنينه البيضادى حاجة كدا .. ربنا يستر فيها … ومعاملة الحاجة ريهام بقى اللى زى الفل …
طلعت م الامتحان لاقيت مكاننا متاخد ..
عادى … فضلنا قاعدين بتاع ساعتين .. مع التنقلات انا والبت رودى وانتو وبتاع ..
وبعدين رحنا زراعة عشان نستنى الخبر ..
اللى يغيظ فى الموضوع …(هى لي أجلت الزفت )..؟؟!!
ومع ذلك كانت هى موجود اصلاا … نسيت تصور مثلاا؟؟؟ ولا نسيت تحط الامتحان اصلا .. ؟؟
يعنى هى فى ايه تقول .. مش تمشوا انا جاية .. وفى ايه تقول لا الامتحان اتلغى ؟؟!!
انا كنتى هتشلى …
وحاجة تانية بقى جميلة … باشمهندز سمير كمان … اتعصب علينا بطريقة مش مستوعبة والله …
دا غير يعنى انه برضه خلانا نفضل قاعدين ساعتين حضرتك … مستنين السكشن .. واذ فجاة يقوك فى امتحان لسنة اولى …
ايه يعنى دا طلع فجاة الامتحان ..؟؟
هقول ايه يابنتى ..منـــه لـــــــه
وحتى دى كمان… محدش سايبها فى حالها
( قرصنة ملكية فكرية )
ماعلينا انا طولت … اصلا .. معان كدا اليوم لسة مش خلص …
بس كفاية عليكى كدا …
بالنسبة بقى لكلام نودى اللى فوق دى … انتى بتقولى
“ده حتى عيب عليها وشكلها وحش لما تكون دكتورة وترجع فى كلمتها كده بكل بساطه”
يابنتى .. انتى لسة ماعرفتيش ان عندنا ما بيبقوش دكاترة غير لما يرجعوا فى كلامهم؟؟؟!!!
(انتى قديم أوى ياوكيل) …
(ملكية فكرية برضه):)
سلااااااااااااااااااااااااااااااامز